मुख्य सामग्रीवर जा
बोभाटा
बोभाटा

बसचं रुपांतर शाळेत? कोणी आणि कुठे केलं आहे?

2 मिनिट वाचन
शेअर करा:
बसचं रुपांतर शाळेत? कोणी आणि कुठे केलं आहे?

शाळा बंद होऊन दीड वर्षांहून अधिक काळ लोटला आहे. अधूनमधून शाळा सुरू होतील अशा बातम्या येतात पण मुलांच्या शिक्षणाचे मात्र मोठे नुकसान होत आहे. ज्यांच्याकडे मोबाईल सारख्या सुविधा आहेत ते ऑनलाइन शिक्षण तरी घेत आहेत, मात्र ज्यांना मोबाईल आणि इंटरनेट परवडत नाही त्यांची ओढाताण होत आहे. अशा मुलांसाठी समाजातील काही कर्ते लोक अधूनमधून पुढे येत असतात.

शाळा बंद आहेत तरी मुलांना शिकता यावे यासाठी गावातल्या भिंतीवर अभ्यासाच्या गोष्टी लिहीणाऱ्या सोलापूर जिल्ह्यातील शिक्षकांची गोष्ट आम्ही तुम्हाला सांगितली आहे. आज बसला शाळेत बदलणाऱ्या अवलियाची गोष्ट तुम्ही वाचणार आहात.

मुंबईतील सामाजिक कार्यकर्ते अशोक कुर्मी यांनी गरीब मुलांसाठी बसचे रूपांतर शाळेत केले आहे. या बसचा सध्या कुठलाही वापर नसल्याने या संधीचा चांगल्या कामासाठी फायदा घेता येईल हा विचार त्यांनी केला. स्वातंत्र्यदिनाच्या मुहूर्तावर त्यांनी हा उपक्रम सुरू केला आहे.

बसचं रुपांतर शाळेत? कोणी आणि कुठे केलं आहे? – चित्र 1

मुंबईतील झोपडपट्टीत राहणाऱ्या या मुलांना ऑनलाईन शिक्षण घेणे शक्य नव्हते. या उपक्रमासाठी सायन फ्रेंड सर्कल या एनजीओची मदत लाभली आहे. आपल्या कमाईचा काही भाग या फ्रेंड सर्कलमधील लोक सामाजिक कामांवर खर्च करत असतात. लॉकडाऊनच्या काळात त्यांनी मोठे काम केले आहे.

अशोक कुर्मी नेहमीच आपल्या सामाजिक उपक्रमांसाठी चर्चेत असतात. मागे त्यांनी स्पायडरमॅनची वेशभूषा करत सार्वजनिक स्थळांना सॅनिटाईज केले होते. ख्रिसमसला सँटा बनून मुलांना मास्क वाटप केले होते.

खरोखर येत्या काळात जर मुलांमध्ये निर्माण होत असलेली शिक्षणाची दरी बुजवायची असेल तर असेल उपक्रम मोठ्या प्रमाणावर होणे गरजेचे आहे.

पुढची गोष्ट
लाइफस्टाइलआयुष्याने दिलेल्या संधीचे सोनं कसं करावं? बिल गेट्सच्या आयुष्यातली हि घटना आपल्या सगळ्यांसाठी एक चांगला धडा आहे वाचा →

बोभाटा WhatsApp चॅनेल फॉलो करा!

ताज्या लेखांची माहिती थेट WhatsApp वर मिळवा.

फॉलो करा

टॅग्स:

संबंधित लेख