रेल्वे अपघातात होणाऱ्या हत्तींच्या मृत्यूची संख्या दिवसेंदिवस वाढत आहे. गेल्यावर्षी नॅशनल जिओग्राफिकने या समस्येवर डॉक्युमेंटरी तयार केली होती. या बातम्या कमी झाल्या असं वाटत असतानाच काही दिवसांपूर्वी एका अपघाताची बातमी आली. पश्चिम बंगालमध्ये रेल्वेने हत्तीला धडक दिली होती. गंभीर जखमांमुळे काही तासातच हत्तीचा मृत्यू झाला.
या घटनेच्या पार्श्वभूमीवर कालच्या बातमीचं सगळ्यांनी कौतुक केलं आहे. बंगलाच्या नगरकाटा – चालसा दरम्यानच्या रेल्वे मार्गावर हत्तींचा कळप फिरत होता. ट्रेनचे चालक असलेले उत्तम बरुआ आणि डी.डी.कुमार यांनी हत्तींना बघितल्यावर लगेचच इमर्जन्सी ब्रेक लावून ट्रेन थांबवली. वेळीच ट्रेन थांबल्याने हत्तींचा जीव वाचला. यावेळचा व्हिडीओ सध्या व्हायरल झाला आहे.
Today morning at 8.30 hrs, #AlertCrew of 55726 Dn Sri Uttam Barua & D.D.Kumar suddenly noticed that a Wild Elephant was walking along the track at Km 71/7 betn NKB- CLD & stopped train immediately with Emergency brake. @RailNf @wti_org_india @RailMinIndia pic.twitter.com/EkSFEW9KGe
— DRM APDJ (@drm_apdj) October 14, 2019
चालक उत्तम बरुआ आणि डी.डी.कुमार यांच्या प्रसंगावधानाचं लोक कौतुक करत आहेत. खरं तर या आधीच्या घटनेत ज्या हत्तीचा मृत्यू झाला त्यालाही वाचवण्याचा चालकाने पूर्ण प्रयत्न केला होता, पण रेल्वेचा वेग एवढा होता की चालकही हतबल झाला.
तर मंडळी, जाता जाता नॅशनल जिओग्राफिकची ही डॉक्युमेंटरी बघूया.
