मराठी भाषा दिवस : हे शब्द खास मराठीत तयार केले गेले हे तुम्हांला माहित आहे का ?

मराठी भाषा समृद्ध करण्यात स्वातंत्रवीर सावरकरांनी मोठा हातभार लावला. त्यांनी मराठी भाषा अधिक समृद्ध करण्यासाठी एक चळवळ उभी केली. मराठी भाषेच्या समृद्धीसाठी त्यांनी नवे शब्द तयार केले, जे आजही आपल्या रोजच्या जीवनात वापरले जातात.

‘स्वकीय शब्द नामशेष करून परकीय शब्द बोकाळू देणं, हे औरस मुलांना मारून दुसरी मुले दत्तक घेण्यासारखे आहे. तो जसा वंशवृद्धीचा मार्ग नव्हे, तसाच हा काही शब्दसंपत्ती वाढवायचा मार्ग नाही.’

या शब्दात त्यांनी स्वकीय भाषेचं महत्व पटवून दिलं. त्यांच्यासोबतच इतिहासाचार्य राजवाडे, कवी माधव ज्युलियन, ज्ञानकोशकार केतकर, राजारामशास्त्री भागवत यांनी देखील आपल्या परीने मराठी भाषेत नवीन शब्दांची भर टाकली. यासाठी त्यांनी आपल्या प्राचीन संस्कृत भाषेचा आधार घेतला.

फारसी, हिंदी, ते अगदी इंग्रजी शब्दांचा मराठीत होऊ लागलेला प्रसार पाहता या महत्वाच्या व्यक्तींनी मराठीत परकीय शब्दांसाठी पर्यायी शब्द सुचवले. या पर्यायी शब्दांना मराठीत आढळ स्थान मिळालं.
आज मराठी भाषा दिनानिमित्त पाहूयात रोजच्या वापरातील असे शब्द जे मराठीत नव्याने तयार केले गेले.