मुख्य सामग्रीवर जा
बोभाटा
बोभाटा

मध्यप्रदेशची आदिवासी मुलगी व्होग मासिकाच्या कव्हरवर झळकली? तिने अशी नक्की काय कामगिरी केली आहे?

3 मिनिट वाचन
शेअर करा:
मध्यप्रदेशची आदिवासी मुलगी व्होग मासिकाच्या कव्हरवर झळकली? तिने अशी नक्की काय कामगिरी केली आहे?

फॅशनच्या जगात व्होग (Vogue) मासिकात प्रसिद्धी मिळणे हे खूप प्रतिष्ठेचे समजले जाते. प्रसिद्ध कलाकारांच्या फोटो बरोबरच जगभरातील प्रसिद्ध फॅशन डिझायनर यांचे काम या मासिकामध्ये प्रसिद्ध होत असते. नुकतेच व्होगच्या २९ मार्चच्या इटली डिजिटल आवृत्तीत मध्यप्रदेशच्या आदिवासी समाजातील सीता वासुनीया हिचा फोटो झळकला होता. सीता स्वतःच्या हाताने छापलेली एक नाजूक महेश्वर हँडलूम साडी नेसलेली दिसत आहे. या फोटोने सर्वांनाच आश्चर्यचकित केले होते. पण  कोण आहे ही सीता वासुनीया? आजच्या लेखातून जाणून घेऊ या !!

मध्यप्रदेशची आदिवासी मुलगी व्होग मासिकाच्या कव्हरवर झळकली? तिने अशी नक्की काय कामगिरी केली आहे? – चित्र 1

सीता वासुनिया ही मध्यप्रदेशातील धार येथे राहते. तिने कपड्यांवर छपाई करणाच्या एक विशिष्ट पद्धतीत कौशल्य मिळवले आहे. या कलेला 'धारा कला प्रिंट' म्हणतात. सीता आणि आणखी १० आदिवासी महिला यांच्या बचतगटातून हे काम केले जाते. साड्यांवर लाकडी छपाईच्या माध्यमाने कलाकुसर करणे, त्याचे प्रशिक्षण देणे ही कामे केली जातात. साड्यांवर विविध प्रकारचे बुटिक, थ्रेडवर्क आणि हाताने नक्षीकाम देखील इथे केली जाते. या बचत गटात साडी, सलवार सूट, दुपट्टे, कुर्ता, जॅकेट अशा विविध प्रकारच्या कपड्यांवर कलाकुसर केली जाते आणि हे कपडे बाजारपेठेत विकले जातात. सध्या बाजारपेठेत हस्तमुद्रित साड्यांना खूप मागणी आहे. सीता आणि तिच्या सहकाऱ्यांनी तयार केलेल्या कपड्यांना दिल्ली आणि मुंबईतील ब्रँडकडून मोठी मागणी आहे.

मध्यप्रदेशची आदिवासी मुलगी व्होग मासिकाच्या कव्हरवर झळकली? तिने अशी नक्की काय कामगिरी केली आहे? – चित्र 2

व्होग मासिकासाठी मॉडेलिंग करण्यासाठी त्यांना अदिती गुप्ता या फोटोग्राफरने सुचवले. अदितीला साड्यांमध्ये महिलांचा फोटोशूट कॅटलॉग बनवायचा होता. राणी रूपमती महाल या परिसरातील जुन्या स्मारकाच्या भिंतींजवळ या महिलांनी  मेकअप न करता साड्या नेसून फोटो काढले. कोणी मॉडेल शोधण्यापेक्षा ज्या महिलांनी साड्या बनवल्या आहेत त्यांनाच त्या नेसायला लावून फोटोशूट करण्यात आले. फोटोत फिल्टरही वापरण्यात आले नाहीत. 

व्होग मासिकात प्रसिद्ध झाल्यावर सीताला अजून ऑफर्स आल्या आहेत. इतर महिलांनाही चांगले पैसे मिळू लागले आहेत. धारचे अतिरिक्त जिल्हाधिकारी सलोनी सिडाना म्हणतात की “सीता वासुनियाने एक मोठी कामगिरी केली आहे. या दिशेने सीतासारख्या महिलांना अधिकाधिक रोजगार मिळावा यासाठी जिल्हा प्रशासन आता प्रयत्न करेल. ”

मध्यप्रदेशची आदिवासी मुलगी व्होग मासिकाच्या कव्हरवर झळकली? तिने अशी नक्की काय कामगिरी केली आहे? – चित्र 3

फॅशन म्हणजे फक्त महागडे कपड्यांचे ब्रँड, ते परिधान करणाऱ्या मॉडेल आणि त्यांच्यावर होणारा हजारो रुपयांचा मेकअप हे सीता आणि त्यांच्या बचतगटाच्या महिलांनी साफ खोटे ठरवले. सीता यांच्या कलेचे आणि फोटोचे सगळीकडे खूप कौतुक झाले. फक्त मध्यप्रदेश नाही तर पूर्ण भारताला सीता आणि त्यांच्या बचतगटाने केलेल्या कामाचा अभिमान आहे. यामुळे लहान-लहान गावात काम करणाऱ्या अनेक महिलांना स्वयंरोजगार निर्मितीसाठी प्रेरणा मिळेल हे नक्की.

पुढची गोष्ट
लाइफस्टाइलभतेरीच्या धुळीतून जन्मलेला तो कायदा: 'विशाखा' जजमेंट आणि स्त्री-अस्तित्वाचा लढा!राजस्थानच्या भंवरी देवींचा लढा आणि सर्वोच्च न्यायालयाचे ऐतिहासिक विशाखा मार्गदर्शक तत्त्वे. कामाच्या ठिकाणी महिलांच्या सुरक्षिततेसाठीचा हा महत्त्वाचा प्रवास.वाचा →

बोभाटा WhatsApp चॅनेल फॉलो करा!

ताज्या लेखांची माहिती थेट WhatsApp वर मिळवा.

फॉलो करा

संबंधित लेख

आधुनिक स्त्रीला बहुतेक सगळे ब्रँड्स अजूनही 'शेजारची काकू' का समजतात?
लाइफस्टाइल

आधुनिक स्त्रीला बहुतेक सगळे ब्रँड्स अजूनही 'शेजारची काकू' का समजतात?

८० टक्के खरेदीचे निर्णय स्त्रिया घेत असतानाही जाहिरातदार आणि ब्रँड्स अजूनही स्त्रियांना दुय्यम ग्राहक का समजतात, यावर परखड भाष्य.

२ जुलै, २०२६

१८५५ चा तो 'हूल': १८५७ च्या स्वातंत्र्यसमराआधी आदिवासींचा ब्रिटिशांविरुद्ध लढा!
लाइफस्टाइल

१८५५ चा तो 'हूल': १८५७ च्या स्वातंत्र्यसमराआधी आदिवासींचा ब्रिटिशांविरुद्ध लढा!

१८५७ च्या उठावाच्या दोन वर्षे आधी सिधू आणि कान्हू मुर्मू यांच्या नेतृत्वाखाली संथाल आदिवासींनी ब्रिटिशांविरुद्ध पुकारलेला ऐतिहासिक लढा.

३० जून, २०२६

अल्बानियाची 'बर्नेशा' परंपरा: जिथे स्त्री पुरुष म्हणून जगण्याची शपथ घेते
लाइफस्टाइल

अल्बानियाची 'बर्नेशा' परंपरा: जिथे स्त्री पुरुष म्हणून जगण्याची शपथ घेते

अल्बानियातील 'बर्नेशा' परंपरेत स्त्रिया पुरुष म्हणून जगण्यासाठी जन्मभर कुमारिका राहण्याची शपथ का घेतात? जाणून घ्या या अजब प्रथेबद्दल.

१० मार्च, २०२६