सामान्य लोक सुपात तरी अब्जोधीश तुपात....कोरोना काळात या अब्जाधीशांची संपत्ती एवढी वाढली !!

बोभाटा

December 31, 2020

२०२० हे वर्ष अनेकांसाठी नुकसानीचे गेले आहे, अनेकांच्या नोकऱ्या गेल्या, काहींचे व्यवसाय ठप्प झाले. मात्र दुसरीकडे अनेक अब्जोधीश उद्योगपती मात्र दिन दुप्पट रात चौपट पद्धतीने श्रीमंत झाले आहेत. खाली अशाच काही उद्योगपतींची यादी दिली आहे. त्यांची वाढलेली संपत्ती बघून तुमचे डोळे विस्फारल्याशिवाय राहणार नाहीत.

१) जेफ बेझोस

Image Source

अमेझॉन कंपनीचे मालक जेफ बेझोस यांनी जगात सर्वात श्रीमंत व्यक्ती ठरले आहेत. त्यांची २०२० साली एप्रिलपासून तर डिसेंबरपर्यंत वाढलेली संपत्ती ही ७४०० कोटी डॉलर्स एवढी आहे.

२) मार्क झकरबर्ग

Image Source

फेसबुकचे मालक मार्क झकरबर्ग यांची संपत्ती यावर्षी एप्रिल ते डिसेंबर दरम्यान ४३०० कोटी डॉलर्स एवढी वाढली आहे.

३) बिल गेट्स

Image Source

मायक्रोसॉफ्टचे बिल गेट्स हे अनेक वर्ष जागतिक श्रीमंत लोकांच्या यादीत पहिल्या क्रमांकावर होते. यावर्षी देखील त्यांनी मोठी कमाई केली आहे. २२०० कोटी डॉलर्स एवढी त्यांची कमाई आहे.

४) वॉरन बफे

Image Source

जागतिक गुंतवणूकदार ज्यांना गुरुस्थानी मानतात असे वॉरन बफे यांनी देखील १७०० कोटी डॉलर्स एवढी कमाई केली आहे.

५) लॅरी एलिसन

Image Source

ओरॅकल कंपनीचे संस्थापक लॅरी एलिसन यांनी एप्रिल ते डिसेंबर २०२० दरम्यान २८७० कोटी डॉलर्सची कमाई केली आहे.

६) एलन मस्क

Image Source

एलन मस्क हे नाव गेल्या काही वर्षांमध्ये प्रसिद्धीच्या झोतात आले आहे. त्यांनी २०२० सालच्या एप्रिल ते डिसेंबर या काळात तब्बल ११८२ कोटी डॉलर्स एवढी कमाई केली आहे.