रोल्स-रॉइसचा लोगो चोरण्याचा प्रयत्न केला तर काय होतं माहित आहे का ? पाहा हा व्हिडीओ !!
रोल्स-रॉइस म्हणजे दिमाख असतो राव. ज्यांना कार्सचं वेड आहे त्यांच्यासाठी रोल्स-रॉइस म्हणजे स्वप्नच. रोल्स-रॉइसची किंमत बघता ती मिळवणं सगळ्यांनाच शक्य होत नाही. यासाठीच की काय बाजारात तिच्या लोगोची किंमत कायच्या काय आहे. हा लोगो काही कंपनी स्वतः विकत नाही, तर ते काम चोर करतात.
मंडळी, जुन्या मर्सिडीज आणि रोल्स रोइस कार्स चे लोगो हे बोनेटवर असतात. रोल्स-रॉइसच्या लोगोला ‘Spirit of Ecstasy’ हे नाव आहे. हा लोगो म्हणजे एका स्त्रीचा पुतळा असतो. या स्त्रीच्या उडत्या कपड्यांमुळे असं वाटतं की तिला हात नसून पंख आहेत. हा लोगो कार इतकाच प्रसिद्ध असल्याने काही वर्षांपर्यंत त्याची मोठ्या प्रमाणात चोरी होत होती. हे लक्षात घेऊन रोल्स-रॉइसने लोगोच्या सुरक्षेसाठी एक अफलातून जुगाड केला आहे. त्यांनी काय आयडिया काढली आहे ? व्हिडीओत पाहा...
कोणी नुसतं रोल्स-रॉइसच्या लोगोला हात जरी लावला तरी लोगो गडप होतो. हात लावणारा दुर्दैवी असेल तर त्याच्या हाताला इजा देखील होऊ शकते.
तर मंडळी, रोल्स-रॉइसने आपल्या कार इतकंच लोगोलाही जपलेलं आहे. त्यामुळेच तर कितीही भारी कार्स बाजारात असल्या तरी रोल्स-रॉइसची जागा कोणीच घेऊ शकत नाही.
