ती मेट्रो ३० फुटांवरून खाली कोसळणारच होती, पण... कुठे आणि काय घडलं होतं?

पाण्यात सूर मारताना देवमासा जसा दिसेल तशा आकारातलं हे देवमाशाच्या शेपटीचं शिल्प म्हणजेच 'व्हेल्स टेल' २००२ मध्ये रॉटरडॅम शहराच्या बाहेर असलेल्या स्पिजकेनीसमधील डी अकर्स येथे उभारलं गेलं. रेल्वे ट्रॅकच्या टोकाशी असलेल्या या कलाकृतीला नावही अगदी अचूक देण्यात आलं आहे - सेव्ह्ड बाय व्हेल्स टेल! सोमवारी त्याने आपलं नाव सार्थ करून दाखवलं. 

हे घडलं त्यावेळी ट्रेनमध्ये प्रवासी नव्हते, होता फक्त चालक. तोही या अपघातातून सहीसलामत वाचला आहे. जे काही थोडंफार नुकसान झालं तेवढंच. मात्र ही गाडी शेवटच्या थांब्यापाशी आल्यावरही थांबली कशी नाही हे अजूनही कोडंच आहे. ही ट्रेन रात्रभर आहे त्याच स्थितीत ठेवण्यात आली आणि मंगळवारी सकाळी तिला रुळावर आणण्याचा प्रयत्न केला गेला. 

जवळपास २० वर्षं जुन्या आणि बांधणीत मुख्यतः प्लॅस्टिक वापरलेल्या या शिल्पाने मेट्रो ट्रेनचा आपल्यावरचा भार तोलून कसा धरला याचं मात्र सगळ्यांनाच विशेष वाटतंय.

लेखिका : स्मिता जोगळेकर