मुख्य सामग्रीवर जा
बोभाटा
बोभाटा

चक्क सोन्याची बिर्याणी? जगातल्या सर्वात महागड्या बिर्याणीबद्दल ऐकलं का?

2 मिनिट वाचन
शेअर करा:
चक्क सोन्याची बिर्याणी? जगातल्या सर्वात महागड्या बिर्याणीबद्दल ऐकलं का?

तुम्ही जर बिर्याणीचे शौकीन असाल तर तुम्हाला लखनऊ, कलकत्ता, हैद्राबाद अशा भारतातल्या प्रसिद्ध ठिकाणच्या बिर्याणी माहित असतील, पण तुम्ही कितीही बिर्याणी प्रेमी असलात तरी सोन्याची बिर्याणी ऐकली/पाहिली नसेल. नुकतीच दुबईतील एका प्रसिद्ध रेस्टॉरंटने सोन्याची बिर्याणी लॉन्च केली आहे. काय आहे हे प्रकरण? चला जाणून घेऊ या.

DIFC मधील बॉम्बे बॉरो रेस्टॉरंटने ही जगातील सर्वात महागडी बिर्याणी तयार केली आहे. विशेष म्हणजे या शाही बिर्याणीची किंमत तब्बल २० हजार रुपये म्हणजे १००० दिनार आहे. या शाही बिर्याणीचे नाव रॉयल गोल्ड बिर्याणी असून याचे वजन तीन किलो आहे. त्यामुळे अनेक दर्दी खवय्ये या सोन्याच्या बिर्याणीला एकदा तरी खाण्याचा नक्कीच विचार करतील. अर्थात त्यासाठी दुबईला जावे लागेल.

चक्क सोन्याची बिर्याणी? जगातल्या सर्वात महागड्या बिर्याणीबद्दल ऐकलं का? – चित्र 1

या खास आणि अत्यंत महाग अशा रॉयल गोल्ड बिर्याणी सोन्याच्या ताटात वाढली जाते. त्यावर केसर टाकलेले असते. सोबत कश्मीरी मटन कबाब, दिल्ली मटन, चॉप्स राजपूत, चिकन कबाब, मोगलाई कोफ्ते आणि मलाई चिकन दिले जात आहे. यासोबत अनेक चटण्या आणि सॉसही तुम्ही निवडू शकता. चटण्या आणि सॉसमध्ये निहारी सालन, बदामी सॉस, बदाम आणि डाळिंबाचा रायता तसेच जोधपुरी सालन असते. जेव्हा ही बिर्याणी सजवली जाते तेव्हा या बिर्याणीवर २३ कॅरेट सोन्याचा वर्ख लावला जातो. हा सोन्याचा वर्ख तुम्ही खाऊ शकता. खास सोन्याचे हँड ग्लोव्हज घालून बिर्याणी सर्व्ह केली जाते.

चक्क सोन्याची बिर्याणी? जगातल्या सर्वात महागड्या बिर्याणीबद्दल ऐकलं का? – चित्र 2

हे बिर्याणीचं ताट सजवायला कमीत कमी ४५ मिनिटे जातात.  त्यामुळे ज्यांना जगातली सर्वात महागडी बिर्याणी खायची आहे त्यांना दुबई गाठावे लागेल. शिवाय सोन्याच्या  बिर्याणीचा आनंद घेण्यासाठी वीस हजार रुपये खर्च करावे लागणार आहेत.

काही दिवसांपूर्वी सोशल मीडियावर व्हायरल झालेले एका कोलंबियन रेस्टॉरंटचे सोन्याचे बर्गर खूप गाजले होते. आता ही सोन्याची बिर्याणी आलीये. सध्यातरी तिचे फोटो पाहून पोट भरता येईल. तुम्हाला काय वाटतंय, तुमचे बिर्याणीचे आवडीचं रेस्टॉरंट कुठले? नक्की शेयर करा.

 

लेखिका: शीतल दरंदळे

पुढची गोष्ट
लाइफस्टाइलसोन्याच्या खाणी, तरीही गरीब: बुर्कीना फासो देशाची कहाणीया देशाचे उत्पन्न दोन प्रकारच्या सोन्यावर अवलंबून आहे: खाणीतले सोने आणि कापूस. तरीही ५०% हून अधिक जनता दारिद्र्य रेषेखाली जगते आहे.वाचा →

बोभाटा WhatsApp चॅनेल फॉलो करा!

ताज्या लेखांची माहिती थेट WhatsApp वर मिळवा.

फॉलो करा

संबंधित लेख

१७ एप्रिल: जागतिक हिमोफिलिया दिन - न थांबणाऱ्या रक्ताची आणि राजघराण्यांच्या संघर्षाची गोष्
आरोग्य

१७ एप्रिल: जागतिक हिमोफिलिया दिन - न थांबणाऱ्या रक्ताची आणि राजघराण्यांच्या संघर्षाची गोष्

हिमोफिलिया या जनुकीय आजाराचे स्वरूप, त्याचा इतिहास आणि प्रतिबंधात्मक उपायांची माहिती देणारा विशेष लेख.

१७ एप्रिल, २०२६

सोन्याचं नाणं, डिजिटल गोल्ड की गोल्ड ETF: फरक काय?
लाइफस्टाइल

सोन्याचं नाणं, डिजिटल गोल्ड की गोल्ड ETF: फरक काय?

सोन्याचं नाणं, ॲपवरचं डिजिटल गोल्ड आणि शेअर बाजारातला गोल्ड ETF: GST, इतर खर्च, साठवणूक, विक्री आणि SEBI नियमन यातला फरक, एका तुलनात्मक तक्त्यासह.

३ नोव्हेंबर, २०२६

१६ किलोचे सोन्याचे झुमके; याला झुमका म्हणावं की झुंबर ते तुम्हीच ठरवा!
लाइफस्टाइल

१६ किलोचे सोन्याचे झुमके; याला झुमका म्हणावं की झुंबर ते तुम्हीच ठरवा!

जोयअलुक्कास या भारतीय कंपनीने दुबईत १६ किलोहून अधिक वजनाच्या सोन्याच्या भव्य झुमक्यांची निर्मिती केली आहे. ‘मयूर सहस्र’ असे नाव असलेले हे झुमके २२ कॅरेट सोन्यापासून तयार करण्यात आले आहेत.

२९ ऑक्टोबर, २०२६

नीता अंबानींच्या दागिन्यांचे ७ खास नमुने: किंमत ऐकून थक्क व्हाल!
लाइफस्टाइल

नीता अंबानींच्या दागिन्यांचे ७ खास नमुने: किंमत ऐकून थक्क व्हाल!

जगातील काही नामांकित ज्वेलर्सनी घडवलेले, दुर्मीळ हिरे, पाचू, मोती आणि ऐतिहासिक संदर्भांनी नटलेले नीता अंबानी यांच्या दागिन्यांचे हे सात नमुने पाहू या.

२२ ऑक्टोबर, २०२६

SBI ठरली जगातील सर्वोत्तम बँक, पण सोशल मीडियावर मात्र तुफान चर्चा!
लाइफस्टाइल

SBI ठरली जगातील सर्वोत्तम बँक, पण सोशल मीडियावर मात्र तुफान चर्चा!

Global Finance या आंतरराष्ट्रीय नियतकालिकाने SBI ला ‘World’s Best Consumer Bank’ हा बहुमान दिला आहे. पण सोशल मीडियावर मात्र बँकेच्या सेवेवरून भन्नाट विनोद व्हायरल होत आहेत.

२१ ऑक्टोबर, २०२६