झुमका आया रे,दुबईके बाजार में -
जोयअलुक्कास या भारतीय कंपनीने दुबईत १६ किलोहून अधिक वजनाच्या सोन्याच्या भव्य झुमक्यांची निर्मिती केली आहे. पारंपरिक भारतीय दागिन्यांचे हे भव्य रूप पाहणाऱ्यांसाठी एक विलक्षण आकर्षण ठरले आहे. ‘मयूर सहस्र’ (Mayura Sahasra) असे नाव असलेले हे झुमके २२ कॅरेट सोन्यापासून तयार करण्यात आले असून, जोयालुक्कास ज्वेलरीने अनेक महिन्यांच्या मेहनतीनंतर त्यांची निर्मिती केली आहे. लग्नसमारंभ आणि सणावाराच्या प्रसंगी महिलांनी परिधान केलेल्या नाजूक, पारंपरिक झुमक्यांपेक्षा हे दागिने आकाराने कितीतरी भव्य आहेत.
२४ ऑक्टोबर रोजी दुबई गोल्ड डिस्ट्रिक्टमधील ‘ज्वेल ऑफ जॉय’ या शोरूममध्ये या झुमक्यांचे अनावरण करण्यात आले.गल्फ न्यूज-च्या वृत्तानुसार, या सोहळ्याला संयुक्त अरब अमिरातीचे अर्थव्यवस्था आणि पर्यटनमंत्री अब्दुल्ला बिन तौक अल मरी उपस्थित होते.या झुमक्यांची लांबी १.२१५ मीटर, तर व्यास ०.६८२ मीटर आहे.या भव्य झुमक्यांची निर्मिती करण्यासाठी ५५ कुशल कारागिरांनी अनेक महिने मेहनत घेतली. हे दागिने पूर्ण करण्यासाठी एकूण ५,८४० तासांचे श्रम खर्ची पडले.
आता याला झुमका म्हणावं की झुंबर ते तुम्हीच ठरवा !
