हे आहेत टी२० क्रिकेटमध्ये सर्वाधिक वेळेस गोल्डन डकवर बाद होणारे टॉप ३ फलंदाज

अफगाणिस्तान संघाचा प्रमुख फिरकीपटू राशिद खान या यादीत सर्वोच्च स्थानी आहे. अनेकदा त्याने आपल्या संघाला आपल्या उत्कृष्ट गोलंदाजीच्या जोरावर विजय मिळवून दिला आहे. परंतु फलंदाजीमध्ये सर्वाधिक वेळेस गोल्डन डकवर बाद होण्याचा यादीत तो पहिल्या स्थानी आहे. टी २० क्रिकेटच्या इतिहासात तो आतापर्यंत एकूण ३३ वेळेस गोल्डन डकवर बाद झाला आहे. यावेळी तो आयपीएल स्पर्धेत गुजरात टायटन्स संघाचे प्रतिनिधित्व करत आहे.

वेस्ट इंडिज संघाचा अष्टपैलू खेळाडू सुनील नरेन या यादीत दुसऱ्या स्थानी आहे. सुनील नरेन हा मोजक्याच गोलंदाजांपैकी एक आहे ज्याची गोलंदाजी समजून घेणं फलंदाजांना खूप कठीण जातं. परंतु फलंदाजीमध्ये त्याला विशेष अशी कामगिरी करता आली नाहीये. टी २० स्पर्धेच्या इतिहासात तो तब्बल ३२ वेळेस गोल्डन डकवर बाद झाला आहे. 

युनिव्हर्स बॉस म्हणून ओळखल्या जाणाऱ्या ख्रिस गेलने टी२० क्रिकेटमध्ये आपली वेगळी ओळख निर्माण केली आहे. सर्वाधिक धावा, सर्वाधिक षटकार मारण्याच्या यादीत तो सर्वोच्च स्थानी आहे. यासह सर्वाधिक वेळेस गोल्डन डकवर बाद होणाऱ्या फलंदाजांच्या यादीत तो तिसऱ्या स्थानी आहे. ख्रिस गेल आतापर्यंत टी२० क्रिकेटमध्ये एकूण ३० वेळेस गोल्डन डकवर बाद झाला आहे.

ही यादी अशी मर्यादितच राहावी, हीच सदिच्छा! हो ना?