माणूस इतर प्राण्यांपासून उत्क्रांत झाला असता तर असा दिसला असता.. ४०० वर्षांपूर्वी एका चित्रकाराने मांडलेली कल्पना पाह्यलीच पाहिजे!!

चार्ल्स ले ब्रून हे फिजीओनॉमीचे अभ्यासक होते. फिजीओनॉमी म्हणजे चेहऱ्याच्या दिसण्यावरून माणसाच्या व्यक्तिमत्वाचा अभ्यास करणारी ज्ञानशाखा. फिजीओनॉमीचा अभ्यास करतानाच चार्ल्स ले ब्रून यांना कल्पना सुचली की माणूस जर प्राण्यांपासून उत्क्रांत झाला असेल तर? त्यांनी ही कल्पना सिद्ध करण्यासाठी डार्विनप्रमाणे कोणतेही वैज्ञानिक सिद्धांत मांडले नाहीत. ते एक चित्रकार होते आणि त्या नात्याने त्यानी आपल्या ब्रशच्या माध्यमातून ही कल्पना मांडली. या कामात त्यांना त्यांचा फिजीओनॉमीचा अभ्यास चांगलाच कामी आला हे त्यांच्या चित्रांवरून दिसतं.

डार्विन प्रमाणे चार्ल्स ले ब्रून यांनी फक्त माकडांवर लक्ष केंद्रित केलं नाही, तर इतर सर्व प्राण्यांचा विचार करून त्यांनी आपली चित्र साकारली. माणूस जर माकड सोडून इतर प्राण्यांपासून उत्क्रांत झाला असता तर कसा दिसला असता याचे उत्तम नमुने चार्ल्स ले ब्रून आपल्या समोर ठेवतात. पुढे जाऊन डार्विनने ऐतिहासिक असा उत्क्रांतिवाद मांडला असला तरी चार्ल्स ले ब्रून यांची कल्पना कौतुकास्पदच राहते.

चला तर जास्त वेळ न दवडता आज पाहूया वेगवेगळ्या प्राण्यांपासून उत्क्रांत झालेला माणूस.

रॅकून हा लांब शेपटीचा व अंगावर दाट केस असलेला मांसभक्षक प्राणी असतो. भारतात हा आढळत नाही.