मुख्य सामग्रीवर जा
बोभाटा
बोभाटा

सोशल डिस्टन्सिंगचा कळस...कोणी जवळ येऊ नये म्हणून तो चक्क दहा लाख वोल्टचा झटका देतो?

2 मिनिट वाचन
शेअर करा:
सोशल डिस्टन्सिंगचा कळस...कोणी जवळ येऊ नये म्हणून तो चक्क दहा लाख वोल्टचा झटका देतो?

डासांच्या संहारासाठी आपण जी चायनीज रॅकेट वापरतो तीच कल्पना वापरून तसंच यंत्र एका माणसाने दुसर्‍या माणसावर वापरलं  तर काय होईल ? कल्पना चांगलीच भयानक वाटते ना ? पण कल्पना करूच नका, या इसमाने ते चक्क बनवूनच टाकलंय.

सोशल डिस्टन्सिंगचा कळस...कोणी जवळ येऊ नये म्हणून तो चक्क दहा लाख वोल्टचा झटका देतो? – चित्र 1

सध्याच्या काळात 'सोशल डिस्टन्सींग'साठी लोकं काय काय आततायी आणि आचरट उद्योग करतील याचा भरवसा राहीलेला नाही. हा पण असाच भितीदायक प्रयोग आहे. याच्या पाठीवर असलेल्या बॅकपॅकमध्ये त्यानी एक यंत्र बसवलंय. ज्याचं नाव आहे  'कोव्हीनेटर'. त्याच्या दहा फूटाच्या परीघात कोणी आलं तर येणार्‍या तिर्‍हाईताला 'कोव्हीनेटर' मोठा विजेचा धक्का देतं.

थोडाथोडका नाही तर चक्क दहा लाख वोल्टचा धक्का देतं असा याचा दावा आहे. अर्थात धक्का द्यावा की नाही या साठी एक सेफ्टी कोड बसवलाय या यंत्रात पण जे बनवलंय त्याची कल्पना जरी डोक्यात आली तरी अंगावर शहारा येईल. त्याच्या म्हणण्याप्रमाणे हे असं यंत्र कोणीही बनवू शकतं. दोन मायक्रोवेव्हची सर्कीट, कारची बॅटरी आणि जहाजात वापरल्या जाणार्‍या रडारचे काही भाग इतकं एकत्र करून कोणीही हे बनवू शकेल.

सोशल डिस्टन्सिंगचा कळस...कोणी जवळ येऊ नये म्हणून तो चक्क दहा लाख वोल्टचा झटका देतो? – चित्र 2

बाकी सगळं ठीक्च आहे, पण रडारचे सुटे भाग कुठून आणायचे हे काही हा पठ्ठ्या सांगत नाही. आता हा विजेचा शॉक माणूस कसा सहन करेल असा विचार तुमच्या मनात आलाच असेल ? त्याचं उत्तर असं आहे की व्होल्टेज जरी मोठं असलं तरी करंट फारच मामूली असतो. व्हिडीओ बघितला तर सगळं काही कळेलच पण तुम्ही वापराल का हा कोव्हीनेटर?

पुढची गोष्ट
लाइफस्टाइल१००व्या वाढदिवशी धावणारे आजोबा!! अंदाज बांधा, १०० मीटर अंतर पार करायला त्यांना किती वेळ लागला असेल?वाचा →

बोभाटा WhatsApp चॅनेल फॉलो करा!

ताज्या लेखांची माहिती थेट WhatsApp वर मिळवा.

फॉलो करा

संबंधित लेख

SBI ठरली जगातील सर्वोत्तम बँक, पण सोशल मीडियावर मात्र तुफान चर्चा!
लाइफस्टाइल

SBI ठरली जगातील सर्वोत्तम बँक, पण सोशल मीडियावर मात्र तुफान चर्चा!

Global Finance या आंतरराष्ट्रीय नियतकालिकाने SBI ला ‘World’s Best Consumer Bank’ हा बहुमान दिला आहे. पण सोशल मीडियावर मात्र बँकेच्या सेवेवरून भन्नाट विनोद व्हायरल होत आहेत.

२१ ऑक्टोबर, २०२६

ज्या भारतीय नळाने युरोप आणि जपानची तहान भागवली, त्याचा रंजक इतिहास!
लाइफस्टाइल

ज्या भारतीय नळाने युरोप आणि जपानची तहान भागवली, त्याचा रंजक इतिहास!

केरळच्या जे. पी. सुब्रह्मण्य अय्यर यांनी बनवलेल्या 'वेस्ट नॉट' नळाने जगभरात पाण्याचा अपव्यय कसा रोखला? वाचा एका भारतीय बुद्धिमत्तेची जागतिक कथा.

२० मे, २०२६