पोलीस स्वतःच्या कुटुंबापासून दूर राहून नागरिकांसाठी खडा पहारा देत असतात. त्यासाठी त्यांचं कौतुक तर होतंच, पण काहीवेळा पोलीस मंडळी अशी काही कामं करत की त्यांच्या कौतुकापेक्षा त्यांना कडक सलाम ठोकावासा वाटतो. अश्याच एका कामाची सध्या चर्चा सुरु आहे.
घटना मध्यप्रदेशच्या जबलपूर येथील आहे. रोजंदारीवर काम करणाऱ्या कामगारांना घेऊन एक ट्रक जात होता. काही तांत्रिक बिघाडीमुळे ट्रक उलटला. ट्रक मधल्या ३५ लोक या अपघातात जखमी झाले.
अपघाताबद्दल समजताच तिथे पोलीस आले. ताबडतोब ऍम्ब्युलन्सची व्यवस्था होऊ शकली नसल्याने पोलिसांनाच रुग्णांना हॉस्पिटलमध्ये न्यावं लागलं. पोलिसांनी स्वतःच्या खांद्यावर रुग्णांना वाहून नेलं. या पोलीस तुकडीत एक पोलीस अधिकारी असे होते ज्यांचं सध्या कौतुक होत आहे.
एएसआय संतोष सेन हे ते पोलीस अधिकारी. काही वर्षापूर्वी चोरांशी झालेल्या चकमकीत त्यांच्या उजव्या हाताला गोळी लागली होती. तेव्हापासून उजव्या हाताने त्यांना नीट काम करता येत नाही. पण हात निकामी असूनही त्यांना काम करण्यापासून कोणी अडवू शकलं नाही. इतर पोलीस रुग्णांना वाहून नेत असताना तेही मागे नाही राहिले. त्यांनी देखील एका रुग्णाला खांद्यावर घेतलं. त्यांचं हे काम सध्या एका व्हिडीओच्या माध्यमातून जगभर पोचलं आहे. व्हिडीओ व्हायरल झाल्यानंतर लोकांनी त्यांचं कौतुक केलं.
2006 में बदमाश के साथ मुठभेड़ में गोली लगने से एक हाथ ढंग से काम नहीं करता, फिर भी जबलपुर में सड़क हादसे में घायल मज़दूरों को कंधे पर लादकर अस्पताल तक दौड़े 57 साल के एएसआई संतोष सेन @ndtv @ndtvindia @vinodkapri @ipskabra pic.twitter.com/VkaWMSASR5
— Anurag Dwary (@Anurag_Dwary) November 18, 2020
पोलीस रात्रंदिन नागरिकांची सेवां तर करतातच पण आणीबाणीच्या प्रसंगी अशाप्रकारे झोकून देऊन काम करायलाही मागे पुढे बघत नाहीत, ही घटना त्याचं मोठं उदाहरण आहे. संतोष सेन आणि त्यांच्या पोलीस तुकडीला सलाम !!
