साठीतल्या काकूंनी आपला छंद गरजू महिलांना रोजगार देणाऱ्या व्यवसायात कसा बदलला

आपल्याला येणारी शिवणकामाची कला, आपला अनुभव आणि या गरजू बायकांची कष्टाची तयारी यांचा मिलाफ घडवून एक हँडमेड बॅग्स शिवायचा लहानसा व्यवसाय सुरू करायचं असं त्यांनी ठरवलं – जेणेकरून आपल्याला चार पैसे मिळतीलच, पण या गरजू बायकांच्या कुटुंबाला पुन्हा उभं राहायला
हातभार लागेल. एकूणच मिळणारा प्रतिसाद आणि कामाचा दर्जा बघून सौ. रोहिणी अय्यर यांची मुलगी सौ. उमा पटवर्धन हिने या प्रयोगाचं रूपांतर एका पद्धतशीर व्यवसायात करायचं ठरवलं आणि त्यातून उभा राहिला “रोहिणी -थ्रेडस अँड नीडल्स” हा व्यवसाय

त्यांनी नुसता व्यवसाय सुरू करायचा म्हणून भारंभार गोष्टी सुरू न करता वैशिष्ट्यपूर्ण पण मोजकी प्रॉडक्ट्स आणि त्यासाठी लागणारं दर्जेदार आणि मोहक फॅब्रिक मिळवायला सुरूवात केली. त्यानंतरच्या दोन महिन्यात त्यांच्या कामाचा दर्जा लोकांना इतका पसंत पडला की लवकरच शिवणकाम करणाऱ्या आजूबाजूच्या महिला कमी पडू लागल्या. आता “रोहिणी”साठी अनेक गरजू महिला शिवणकाम करून गिऱ्हाईकांना हव्या त्या कापडात बॅग्स शिवून देतात.

त्यांचा फोन दिवसभर वाजत असतो. लोक त्यांना आवडणाऱ्या कापडात आपल्या पसंतीनुसार बॅगची ऑर्डर देतात आणि त्या घरपोच मिळवतात. आज घडीला रोहिणीकडे ५० वेगवेगळ्या प्रकारचे फॅब्रिक ऑप्शन्स उपलब्ध आहेत. तर ८ प्रकारची प्रॉडक्ट्स त्यांच्याकडे आहेत. त्यापैकी सगळ्यात अनोखी अशी चार प्रॉडक्ट म्हणजे:

मेकअपचे सामान असो नाहीतर दाढीचे सामान, औषधं असोत नाहीतर प्रवासात घ्यायच्या लहान लहान वस्तू. पाउच ही अत्यंत उपयुक्त गोष्ट. रोहिणीमध्ये ४० हून अधिक वेगवेगळ्या फॅब्रिकमध्ये दोन आकाराचे पाउच एकासेट मध्ये दिले जातात.
 

साड्या व्यवस्थित ठेवण्यासाठी लागणारी दर्जेदार साडी कव्हर्स – आणि ती ही वेगवेगळ्या २० हून अधिक फॅब्रिकमध्ये – हे रोहिणी टीमचं आणखी एक ग्राहकप्रिय उत्पादन आहे

प्रवासात असो वा रोज ऑफिससाठी, एक आटोपशीर टोट कोणाला नाही आवडणार. ती ही वेगवेगळ्या रंगात आणि कापडात असेल तर त्यामुळे तुमचा लुक पूर्ण बदलून जातो.

दोन दिवसांचा प्रवास असो की लहान बाळाला घेऊन कुठे जायचं असो, रोहिणीची स्पेशल कॉटन डफल बॅग हा सगळ्याच लोकांना आवडणारा एक ग्राहकप्रिय पर्याय आहे.

या करोना काळात जिद्दीने उभ्या राहाणाऱ्या बायकांना सोबत घेऊन, वयाच्या साठाव्या वर्षी सुरू केलेल्या या व्यवसायाची कथा प्रेरणादायक आहे ना? तुम्हीही या व्यवसायाला आणि पर्यायाने या महिलांना त्यांच्या बॅग विकत घेऊन मदत करू शकता.

तुम्हाला अधिक माहिती हवी असेल, बॅग्स हव्या असतील किंवा प्रॉडक्ट आणि फॅब्रिक ऑप्शन्स बघायचे असतील तर आजचा रोहिणीच्या फेसबूक पेजला भेट द्या किंवा त्यांना +९१ ९७३०९५८२०० या क्रमांकावर WhatsAppवरही संपर्क करू शकता

https://m.facebook.com/Rohini-Threads-and-Needle-103563682103294/

या काळात अशा प्रेरणादायी उद्योगांना जरूर हातभार लावू  या.