मुख्य सामग्रीवर जा
बोभाटा
बोभाटा

बायकोसाठी आणलेलं गिफ्ट तुम्ही रेल्वेत विसरलात तर काय होतं ?? जाणून घ्याच हा किस्सा नक्की काय घडलं ते

3 मिनिट वाचन
शेअर करा:
बायकोसाठी आणलेलं गिफ्ट तुम्ही रेल्वेत विसरलात तर काय होतं ?? जाणून घ्याच हा किस्सा नक्की काय घडलं ते

राव, बायकोला देण्यासाठी आणलेलं गिफ्ट जर तुम्ही विसरलात तर ? लग्न झालेल्या मंडळींना नक्कीच घाम फुटला असणार. असाच काहीसा प्रकार सागर मवाणी सोबत घडला. सागरने विद्याविहार वरून कल्याण ट्रेन पकडली आणि तो ठाकुर्लीला उतरला. पण उतरताना तो सोबतची बॅग घ्यायला विसरला होता. या बॅगेत त्याच्या बायकोसाठीचं गिफ्ट होतं. मग काय त्याची भंबेरी उडाली ना.

— Sagar M Mavani (@SagarMavani_) September 6, 2018

त्याने लगेचच १८२ या RPF हेल्पलाईनला फोन लावला. पण कोणीच फोन उचलला नाही. मग शेवटी त्याने ट्विटर वरून ‘मध्य रेल्वेला’ बॅग ट्रेन मध्ये राहिल्याची माहिती दिली. या माहितीत त्याने लिहिलं होतं की मी ८.०१ मिनिटांनी विद्याविहार येथून कल्याण ट्रेन पकडली आणि ८.५८ मिनिटांनी ठाकुर्लीला उतरलो. माझ्याकडे असलेली पेपरबॅग मी ट्रेन मध्येच विसरलोय. बॅगेत ‘सलोनी’ लिहिलेलं माझ्या बायकोसाठीचं गिफ्ट आहे. मी चौथ्या कोच मध्ये बसलो होतो. मला बॅग परत कशी मिळेल ?’  त्यानंतर लगेचच सेन्ट्रल रेल्वेने RPF ला मदत करण्यास सांगितलं.

चक्क १५ मिनिटापेक्षा कमी वेळात सागरकडे त्याची बॅग पुन्हा आलेली होती.

या दरम्यान त्याला अनेकांनी सल्ले दिले. एकाने तर गमतीत म्हटलं की ‘तू बायकोचं गिफ्ट हरवून किती मोठा गुन्हा केलायस माहित आहे का ?’. शेवटी गिफ्ट परत मिळाल्या नंतर सागरने म्हटलं की आता मी शांततेत रात्रीचं जेवण उरकू शकतो.

त्याने रेल्वेचे आभार मानलेत. मध्यरेल्वेने आणि सोबतच RPF टीमने अत्यंत जलद हालचाली करून सागरला त्याचं गिफ्ट परत मिळवून दिलं. याची तुलना धोनीच्या स्टंपींग सोबतच होऊ शकते....नाही का ? यानंतर ही बातमी सोशल मिडीयावर पसरली आहे. लोक रेल्वे विभागाचं कौतुक करतायत.

राव, बायकोचं गिफ्ट हरवणं म्हणजे साधी सुधी गोष्ट नाही. तुम्हाला आठवत असेलच पूर्वी ‘मेन विल बी मेन’ची एक जाहिरात यायची. त्यात आपल्या सुमित राघवनने काम केलं होतं. बायकोचा वाढदिवस विसरलेल्या व्यक्तीची त्याने भूमिका केली होती. आम्हीच सगळी ष्टोरी सांगण्यापेक्षा तुम्हीच बघून घ्या ना.

पुढची गोष्ट
लाइफस्टाइलआपल्या विसरभोळेपणावर मॅकडोनाल्डसारख्या कंपन्या करतात कोट्यवधींची कमाई!लोक गिफ्ट व्हाउचर्स विसरल्यामुळे किंवा मुदत संपल्यामुळे कंपन्या 'ब्रेकेज'च्या माध्यमातून कोट्यवधी रुपयांचा नफा कसा कमावतात?वाचा →

बोभाटा WhatsApp चॅनेल फॉलो करा!

ताज्या लेखांची माहिती थेट WhatsApp वर मिळवा.

फॉलो करा

संबंधित लेख

चित्रकाराने कल्पनेतून काढलं चित्र आणि वर्षभरानंतर तीच तरुणी समोर आली!
लाइफस्टाइल

चित्रकाराने कल्पनेतून काढलं चित्र आणि वर्षभरानंतर तीच तरुणी समोर आली!

एखाद्या कलाकाराने आपल्या कल्पनेतील स्त्रीचं चित्र काढावं आणि वर्षभरानंतर तीच स्त्री अचानक त्याच्या प्रदर्शनात येऊन उभी राहावी, हा एखाद्या चित्रपटाचा प्रसंग वाटेल. पण इराणमधील अहद सादी आणि परिसा करमनेझाद यांची प्रेमकहाणी अशीच काहीशी आहे.

३ नोव्हेंबर, २०२६

जेव्हा स्वतःची घागर स्वतः भराल, तेव्हाच कळेल निसर्गाची खरी किंमत!
लाइफस्टाइल

जेव्हा स्वतःची घागर स्वतः भराल, तेव्हाच कळेल निसर्गाची खरी किंमत!

फुकट मिळणाऱ्या नैसर्गिक साधनसंपत्तीची नासाडी आणि भविष्यातील पाणी टंचाईच्या संकटावर प्रकाश टाकणारा विचारप्रवर्तक लेख.

१० जून, २०२६