नुकताच नासाने असा दावा केला आहे की त्यांनी विक्रम लँडरचे अवशेष शोधून काढले आहेत. या कामात त्यांना चेन्नईचे आयटीचे प्राध्यापक षण्मुग ‘शान’ सुब्रमण्यम यांनी मदत केली. षण्मुग यांनी रोज ७ ते८ तास खपून हा शोध लावला असल्याचं म्हटलं जातंय...पण मुळात नासाने केलेल्या दाव्यात किती सत्यता आहे ?
The #Chandrayaan2 Vikram lander has been found by our @NASAMoon mission, the Lunar Reconnaissance Orbiter. See the first mosaic of the impact site https://t.co/GA3JspCNuh pic.twitter.com/jaW5a63sAf
— NASA (@NASA) December 2, 2019
आता नासा म्हणत असेल तर ते खरंच असेल असं जर तुम्हाला वाटत असेल तर थोडं थांबा. नासाच्या दाव्यावर इस्रोचे अध्यक्ष के सिवन यांनी सांगितलंय की इस्रोने हे काम फार पूर्वीच केलं आहे.
मंडळी, तुम्हाला आठवत असेल तर इस्रोने सप्टेंबर मध्ये एक ट्विट करून माहिती दिली होती की विक्रम लँडरला शोधण्यात यश आलेलं आहे, पण त्याच्याशी अजून तरी संपर्क झालेला नाही. हे पाहा ते ट्विट...
#VikramLander has been located by the orbiter of #Chandrayaan2, but no communication with it yet.
— ISRO (@isro) September 10, 2019
All possible efforts are being made to establish communication with lander.#ISRO
नासाने म्हटलं आहे की त्यांनी षण्मुग यांच्या मदतीने लँडिंगच्या जागेपासून ७०० मीटरच्या अंतरावर विक्रम लँडरचे अवशेष शोधून काढले आहेत. पण वरील ट्विटवरून तर असं दिसत आहे की हे काम इस्रोने आधीच केलं आहे. मग नासाने नक्की कशाच्या जोरावर हा दावा केला असावा ?
