रॅम्बो... नुसतं नाव ऐकलं तरी डोळ्यासमोर जॉन रॅम्बोची दे दणादण अॅक्शन दिसायला लागते. ९०च्या दशकात या हॉलीवूडपटाने अॅक्शनप्रेमींच्या मनावर गारूड घातलं होतं. प्रख्यात अभिनेता सिल्वेस्टर स्टॅलोन यांनी या चित्रपटात जॉन रॅम्बोची लोकप्रिय भुमिका गाजवली होती. आता या इंग्लिश चित्रपटाचा बॉलीवूडमध्ये रिमेक बनवला जातोय !
जॉन रॅम्बो सारख्या जबरदस्त पात्राला सिल्वेस्टर स्टॅलोन यांनी तितकाच जबरदस्त न्याय दिला. पण बॉलीवूडमध्ये असा कोण पठ्ठा आहे बरं? जो आपली पिळदार शरीरयष्टी आणि सिक्सपॅक्स दाखवून बेसुमार मारामारी आणि भारी भारी स्टंट करेल...? आहे ना राव.. आपला टायगर श्राफ !! हो, रॅम्बोच्या या इंडियन व्हर्जन मध्ये टायगर श्राफ दिसणार आहे. आहे ना परफेक्ट चॉईस? परवा कान्समध्येच या चित्रपटाचं पोस्टर रिलीज झालं. आणि त्यातला टायगरचा लुक बघून तरी त्याचीच निवड योग्य वाटते. याआधी हिरोपंती, बाघी सारख्या चित्रपटात टायगरची अॅक्शन तुम्ही पाहिलीच असेल.
याबाबतीत सिल्वेस्टरला कळल्यानंतर त्यानेही सोशल मिडीयावर प्रतिक्रिया देताना म्हटलं की, "हे एक महान पात्र आहे. आशा करतो की ते त्याला बिघडवणार नाहीत." साहजिकच आहे राव ! आतापर्यंत बॉलीवूडवाल्यांनी हॉलीवूडपटांचे रिमेक बनवून त्यांची वाटच लावली आहे. आता हा रॅम्बो पण सिद्धार्थ आनंद कडून डिरेक्ट केला जातोय. (सिध्दार्थ आनंदने यापुर्वी नाईट अॅन्ड डे या चित्रपटाचा बँग बँग हा रिमेक बनवून काय केलंय ते वेगळं सांगायला नको.)
Grew up on this character, humbled and blessed to step into his shoes years later. #RamboRemake pic.twitter.com/eQYqMw46pm
— Tiger Shroff (@iTIGERSHROFF) 20 May 2017
अशावेळी या चित्रपटाला न्याय देऊ शकतो तो फक्त टायगरच ! आम्हालाही त्याच्याकडून आशा आहेत. बघुया काय होतंय...
