मुख्य सामग्रीवर जा
बोभाटा
बोभाटा

आपल्याकडच्या सोन्याचा मान चीनमध्ये चांदीला.. चीनमधल्या या प्रांतात चांदीचा किती हुंडा द्यायला लागतो पाहा

2 मिनिट वाचन
शेअर करा:
आपल्याकडच्या सोन्याचा मान चीनमध्ये चांदीला.. चीनमधल्या या प्रांतात चांदीचा किती हुंडा द्यायला लागतो पाहा

आपल्याकडच्या नायर वधूंना तुम्ही नखशिखांत सोन्यानं मढलेलं पाह्यलं असेलच. अगदी मनगटापासून दंडापर्यंत सोन्याच्या बांगड्या, गळ्यापासून नाभीपर्यंत येणारे सत्राशेसाठ हार आणि भलीमोठी अवजड कर्णभूषणं!!
तुम्हांला माहिती अहे, चीनमधल्या मियाओ प्रांतात पण अशीच एक पद्धत चालू आहे. मात्र इथं सोन्याला नाही, तर चांदीला खूप जास्त महत्व आहे.  भला मोठा चांदीचा दोन अडीच किलोचा मुकुट, खूप सारे हार.. आणि एकेका हाराचं वजन एक ते दीड किलो असतं म्हणे..  हे सगळं  कमी की काय म्हणून त्यांच्या कपड्यावरसुद्धा चांदीचे दागिने लावलेले असतात. 

 



मुलगी लग्नाची होण्याच्या दहा वर्षं आधी पालक या दागिन्यांसाठी पैशांची जमवाजमव करण्याच्या मागे लागतात. साधारण १० ते १५ किलोचा हा सेट तयार करायला खूप पैसे तर लागतातच. आणि अत्यंत बारीक कलाकुसर असलेले हे दागिने बनवायला पुष्कळ वेळही लागतो. 

(कपड्यावरसुद्धा चांदीचे दागिने लावलेले असतात. )

मुलीला किती किलोचे दागिने घातले यावरून त्या घराची श्रीमंती ठरते. यासाठी पूर्ण कुटुंबाला खूप श्रम करून हे पैसे जमवावे लागतात.

पाहा या चांदीच्या दागिन्यांनी मढलेल्या काही सुंदर वधू..

स्रोत 

स्रोत

 

स्रोत

परंपरा भारतीय असो किंवा चीनमधली.. अशाप्रकारे आईबाबांना मुलीच्या लग्नासाठी एवढ्या मोठ्या संकटात टाकणं हे केव्हाही वाईटच. यातून जे मुलीच्या लग्नात घालवलं ते मुलाच्या लग्नात वसूल करण्याची पद्धत तयार होते.. आणि हुंड्याचं दुष्टचक्र चालू होतं.
मंडळी, तुम्हांला आपल्याकडच्या लग्नांत असलेल्या कोणत्या परंपरा आवडतात आणि कोणत्या बंद व्हाव्यात असं वाटतं?

(सदर लेख अथवा लेखातील कुठल्याही भागाचे छापील, इलेक्ट्रॉनिक माध्यमात परवानगीशिवाय पुनर्मुद्रण करण्यास सक्त मनाई आहे. याचे उल्लंघन करणाऱ्यांवर कायदेशीर कारवाई करण्यात येईल.) ©बोभाटा
पुढची गोष्ट
लाइफस्टाइलज्यू लोकांच्या श्रीमंतीचं ते एक 'गुपित'; जे आपल्या मराठी माणसाला अजून उमजलेलं नाही!ज्यू समाजाच्या आर्थिक यशामागे असलेली 'फार्गिन' ही संकल्पना आणि दुसऱ्याच्या यशात आनंद मानण्याची वृत्ती.वाचा →

बोभाटा WhatsApp चॅनेल फॉलो करा!

ताज्या लेखांची माहिती थेट WhatsApp वर मिळवा.

फॉलो करा

संबंधित लेख

चामड्यावर नक्षी कोरणारा मुलगा कसा बनला भारताचा 'सिल्व्हर किंग'?
लाइफस्टाइल

चामड्यावर नक्षी कोरणारा मुलगा कसा बनला भारताचा 'सिल्व्हर किंग'?

एका चर्मकाराचा मुलगा ते जगातील सर्वात मौल्यवान चांदीचे कारागीर, ओमरसी मावजी यांचा प्रवास थक्क करणारा आहे. त्यांच्या 'OM' शिक्क्याच्या एका भांड्याची किंमत आज लाखात आहे.

२३ ऑक्टोबर, २०२६

राजदरबारातील 'राई' ते रेडलाईट एरिया: बेडिया समुदायाचा शापित वारसा
लाइफस्टाइल

राजदरबारातील 'राई' ते रेडलाईट एरिया: बेडिया समुदायाचा शापित वारसा

एकेकाळी राजघराण्यांमध्ये 'राई' नृत्य सादर करणाऱ्या बेडिया समुदायाचा देहविक्रयापर्यंतचा विदारक प्रवास आणि सामाजिक वास्तव मांडणारा लेख.

२ मे, २०२६