मुख्य सामग्रीवर जा
बोभाटा
बोभाटा

या ८ मराठी मुलींना त्यांच्या संशोधनाबद्दल मिळालं गोल्ड मेडल...त्यांनी लावलेला शोध प्रत्येक भारतीयासाठी महत्वाचा आहे भाऊ !!

2 मिनिट वाचन
शेअर करा:
या ८ मराठी मुलींना त्यांच्या संशोधनाबद्दल मिळालं गोल्ड मेडल...त्यांनी लावलेला शोध प्रत्येक भारतीयासाठी महत्वाचा आहे भाऊ !!

मंडळी, पान खाणाऱ्यांचं शौकीन म्हणून कानपूर उगाच बदनाम आहे. भारतातल्या कोणत्याही प्रमुख शहरात जा, सार्वजनिक ठिकाणच्या भिंती पानाच्या/गुटख्याच्या पिचकाऱ्यांनी हमखास रंगलेल्या असतात. एवढंच काय ट्रेन, सार्वजनिक बसेस मध्ये पण पानाची पिंक आढळतेच. गमतीचा भाग वेगळा पण ही एक खूप मोठी समस्या होऊन बसली आहे. स्वच्छ भारताचं स्वप्न पूर्ण करण्यासाठी आधी या समस्येवर उपाय शोधणं गरजेचं आहे. 

स्रोत

मंडळी, आनंदाची बाब म्हणजे आपल्या महाराष्ट्राच्या ८ मुलींनी मिळून या समस्येवर इकोफ्रेंडली उपाय शोधून काढला आहे. ऐश्वर्या राजूरकर. अंजली वैद्य, कोमल परब, निष्ठा पांगे, मैथिली सावंत आणि मिताली पाटील या त्या आठजणी. त्यांच्या या शोधासाठी त्यांना अमेरिकेतील बोस्टन येथील Genetically Engineered Machines (iGEM) स्पर्धेत सुवर्णपदक देण्यात आलं आहे.

चला तर जाणून घेऊया त्यांच्या शोधाबद्दल.

स्रोत

मंडळी, त्यांनी एक विशिष्ट प्रकारचं उत्प्रेरक शोधून काढलं आहे. या उत्प्रेरकामुळे पानाचे डाग लवकरात लवकर आणि कमीतकमी पाण्याचा वापर करून स्वच्छ करता येतात. हे उत्प्रेरक जेल स्वरुपात वापरता येतं. 

स्रोत

मंडळी, हे उत्प्रेरक तयार करण्यासाठी त्यांना काही गोष्टींचा तपास घ्यावा लागला. उदाहरणार्थ, पानाच्या पिंकाचा गडद लाल रंग कुठून येतो ? या लाल रंगतच ते डाग एवढे चिवट का असतात याचं उत्तर लपलेलं होतं. त्यांना मिळालं उत्तर असं की, हा लाल रंग पानातील कात आणि चुन्यामुळे तयार होतो. तो लवकर धुतला जाऊ शकत नाही. अशा डागाला साफ करण्यासाठी अव्वाच्यासव्वा खर्च करावा लागतो. एका तपासात त्यांना आढळलं की महिन्याभरात एका रेल्वेस्टेशनसाठी तब्बल १० लिटर अॅसिड आणि ६०,००० लिटर पाणी वाया जातं. याखेरीज सफाई कामगारांचा सगळा श्रम हे डाग साफ करण्यात वाया जातात. 

स्रोत

मंडळी, तपासातून काढलेल्या माहितीच्या आधारे त्यांनी आपलं उत्पादन तयार केलं. हे उत्पादन अशारीतीने बनवण्यात आलं आहे की सफाईच्या वेळी कमीत कमी पाण्याचा वापर होतो. शिवाय अॅसिडचा पूर्ण खर्च वाचतो.

मंडळी, भविष्यात हे उत्पादन सर्वत्र उपलब्ध होऊन त्याचा नक्कीच फायदा होईल. पण सार्वजनिक ठिकाणे व आपला परिसर स्वच्छ ठेवणे ही शेवटी आपलीच जबाबदारी आहे. जर आपणच स्वच्छता राखली तर कदाचित असे शोध लावण्याची गरजच पडणार नाही.

पुढची गोष्ट
विज्ञानप्रवाशांना जास्त चालायला लावून ह्युस्टन विमानतळाने त्यांच्या तक्रारी कशा संपवल्या?ह्युस्टन विमानतळाने प्रवाशांच्या बॅगेज क्लेमच्या तक्रारी सोडवण्यासाठी मानसशास्त्राचा वापर करून एक अनोखा प्रयोग केला.वाचा →

बोभाटा WhatsApp चॅनेल फॉलो करा!

ताज्या लेखांची माहिती थेट WhatsApp वर मिळवा.

फॉलो करा

संबंधित लेख

'Oh Be A Fine Girl Kiss Me' हे वाक्य कशासाठी वापरतात माहितीये का?
विज्ञान

'Oh Be A Fine Girl Kiss Me' हे वाक्य कशासाठी वापरतात माहितीये का?

'Oh Be A Fine Girl Kiss Me' ही एखाद्या इंग्रजी गाण्याची ओळ नाही. तार्‍यांच्या तापमानावरून त्यांचे वर्गीकरण लक्षात ठेवण्यासाठी सोपा उपाय म्हणजे हे वाक्य!

३ नोव्हेंबर, २०२६

प्लास्टिकमुक्त पाण्याचं 'मॅग्नेटिक' स्वप्न: व्हर्जिनियातल्या एका मुलीने जगाला दाखवला आरसा
विज्ञान

प्लास्टिकमुक्त पाण्याचं 'मॅग्नेटिक' स्वप्न: व्हर्जिनियातल्या एका मुलीने जगाला दाखवला आरसा

पिण्याच्या पाण्यातून ९६ टक्के मायक्रोप्लास्टिक्स बाहेर काढणारे तंत्रज्ञान विकसित करणाऱ्या मिया हेलर या शाळकरी मुलीची ही थक्क करणारी कामगिरी.

२२ मार्च, २०२६