दरवर्षी दिवाळीला एक फोटो व्हायरल होत असतो. या फोटोत दिवाळीच्या रात्री भारत कसा झगमगतो हे दाखवलेलं असतं. हा फोटो गेली बरीच वर्षे व्हायरल होतो आहे. व्हायरल होण्याचं एक कारण म्हणजे हा फोटो खुद्द नासाने प्रसिद्ध केला आहे असा दावा केला जातो. नासाने असा फोटो खरंच शेअर केला आहे का? नासा असे फोटो शेअर करते का?
तर सत्य हे आहे की, तो फोटो एडिट केलेला आहे. २००३ मध्ये नॅशनल ओसनिक अँड एटमॉस्फेरिक या ॲडमिनिस्ट्रेशनने काढलेले अनेक सॅटेलाईट फोटो एकत्र करून तो फोटो वायरल केला गेला. आज हा फोटो इंटरनेटवर फिरणाऱ्या सर्वात प्रसिद्ध फेक फोटोंमध्ये जाऊन बसलाय.
असे वाईट वाटून घेऊ नका, अनेक खोटे फोटो असेच फिरत असतात. मात्र नुकताच नासाने अधिकृतपणे इन्स्टाग्रामवर भारताचा फोटो प्रसिद्ध केला आहे. हा लॉंग exposure फोटो आंतरराष्ट्रीय अवकाश स्थानकातल्या(International Space Station) एका कर्मचाऱ्याने घेतलेला आहे.
काय दिसतंय या फोटोत?
या फोटोमध्ये हिमालयाच्या पांढऱ्याशुभ्र रांगा अतिशय सुरेख दिसत आहेत. हिमालय आणि त्या भागात सध्या अनेक ठिकाणी हिमवर्षाव (snowfall) होत आहे. त्यामुळे अस वाटतंय की हिमालयावर बर्फाची चादर पसरली आहे. नासाने प्रसिद्ध केलेल्या या फोटोत राजधानी दिल्ली आणि पाकिस्तानचे लाहोर शहरही दिव्यांच्या झगमगाटात चमकताना दिसत आहे.
नासाने प्रसिद्ध केल्यापासून हा फोटो चर्चेत आहे. फोटोला लाखो लाईक्स मिळाले असून हा फोटो सगळीकडे व्हायरल होताना दिसतोय. तुम्हीही बघून नक्की सांगा तुम्हाला कसा वाटला हा फोटो.
लेखिका: शीतल अजय दरंदळे
