मुख्य सामग्रीवर जा
बोभाटा
बोभाटा

भारतातली सर्वात कमी उंचीची वकील,कोणत्या मानसिक त्रासांतून तिने हा टप्पा गाठला आहे माहित आहे?

2 मिनिट वाचन
शेअर करा:
भारतातली सर्वात कमी उंचीची वकील,कोणत्या मानसिक त्रासांतून तिने हा टप्पा गाठला आहे माहित आहे?

१० वी, १२ वी झाली की पुढे काय करायचे हा प्रश्न सर्वांना पडतो. पण काही लोक असे असतात ज्यांना इथून पुढे फक्त शिकणे हेच मोठे संकट वाटते. यामागे अनेकांचे अनेक कारणे सांगता येतील. काहींना शारीरिक गोष्टींवरून दिला जाणारा त्रास हा मोठा मुद्दा असतो. याही गोष्टींचा सामना करून मोठे यश संपादन करणारे दिसतात.

हरविंदर कौर नावाच्या मुलीला तिच्या कमी उंचीसाठी चिडवले जायचे. यामुळे तिच्या वयाचा उमेदीचा काळ डिप्रेशनमध्ये गेला. यामुळे ती शाळेत जायचे सुद्धा टाळत असे. अशा सर्व गोष्टींचा संघर्ष करूनही ती थांबली नाही आणि आज ती भारतातील सर्वात कमी उंचीची वकील बनली आहे.

हरविंदर तिसरीत असताना तिला समजले की तिची उंची इतर मुलींसारखी वाढत नाहीये. तिच्यावर उपचारही करण्यात आले. पण या उपचाराचा काहीही फायदा झाला नाही. तिला लहानपणी एअरहोस्टेस व्हायचे होते. पण आपले हे स्वप्न काही पूर्ण होत नाही हे तिला कळून चुकले. शाळेत तिला कमी उंचीवरून प्रचंड टोमणे सहन करावे लागत होते. याच कारणाने शाळा पूर्ण झाल्यावर तिला कॉलेजमध्ये जायची भीती वाटू लागली होती. पण तिला आपल्या कुटुंबावरील ओझे म्हणून जगायचे नव्हते.

पूर्ण हिंमत एकवटून तिने जालंधर येथील केसीएल इन्स्टिट्यूट येथे कायद्याचे शिक्षण घेण्यासाठी ऍडमिशन घेतले. इथेही तिला त्रास नव्हता असे नाही. तिला इथेही टोमणे पडतच होते. जज समोर उभी राहिल्यावर दिसशील तरी का? असे टक्केटोणपे ती सहन करत होती. आता मात्र तिने जालंधर येथील सेशन्स कोर्टात वकिली सुरु केली आहे. तिचा त्रास संपला असे वाटत असेल तर तुम्ही चूक आहात. आता फरक एवढा आहे की तिची हिंमत वाढली आहे. आपली ओळख आपल्या कामावरून होते आपल्या दिसण्यावरून नाही हे तिला कळून चुकले आहे.

एकेकाळी तिला चिडवले जात होते, पण आज तिचे २ लाख ७५ हजार इन्स्टाग्रामवर फॉलोअर्स आहेत. तसेच ती मोटिव्हेशनल स्पीकर म्हणूनही ओळखली जाते आहे. यापुढे शारीरिक कमींचा सामना करणाऱ्या लोकांना मदत करण्याचा तिचा मानस आहे.

उदय पाटील

पुढची गोष्ट
लाइफस्टाइलसाखरेचा 'कडू' डोस: जगाला साखर वाटणारा भारत स्वतःच का झाला ग्राहक?उसावरील रोगराई, अतिवृष्टी आणि इथेनॉल उत्पादनामुळे जगात सर्वाधिक साखर पिकवणाऱ्या भारताला साखरेची आयात का करावी लागली?वाचा →

बोभाटा WhatsApp चॅनेल फॉलो करा!

ताज्या लेखांची माहिती थेट WhatsApp वर मिळवा.

फॉलो करा

संबंधित लेख

विक्षिप्त आणि विद्वान प्र.बा. जोग: ज्यांनी स्मशानात जाऊन 'ते' काम केलं!
लाइफस्टाइल

विक्षिप्त आणि विद्वान प्र.बा. जोग: ज्यांनी स्मशानात जाऊन 'ते' काम केलं!

विक्षिप्त आणि विद्वान या दोन शब्दात 'कहर' नावाचा आणखी एक शब्द टाकला की एकच नाव समोर येतं ते म्हणजे प्र.बा. जोग यांचं! यांच्या हुशारीचे आणि विक्षिप्तपणाचे किस्से एकत्र केले तर एक पाचशे पानाचं पुस्तक होईल.

३ नोव्हेंबर, २०२६

चामड्यावर नक्षी कोरणारा मुलगा कसा बनला भारताचा 'सिल्व्हर किंग'?
लाइफस्टाइल

चामड्यावर नक्षी कोरणारा मुलगा कसा बनला भारताचा 'सिल्व्हर किंग'?

एका चर्मकाराचा मुलगा ते जगातील सर्वात मौल्यवान चांदीचे कारागीर, ओमरसी मावजी यांचा प्रवास थक्क करणारा आहे. त्यांच्या 'OM' शिक्क्याच्या एका भांड्याची किंमत आज लाखात आहे.

२३ ऑक्टोबर, २०२६

तिकीट नाही, पासपोर्ट नाही, तरी विमानाने गाठलं न्यूयॉर्क; दोन पोरांचे अजब साहस!
लाइफस्टाइल

तिकीट नाही, पासपोर्ट नाही, तरी विमानाने गाठलं न्यूयॉर्क; दोन पोरांचे अजब साहस!

१९८५ मध्ये डब्लिनच्या दोन लहान मुलांनी तिकीट आणि पासपोर्ट नसताना लंडनहून न्यूयॉर्कपर्यंत एअर इंडियाच्या विमानातून केलेला अविश्वसनीय प्रवास.

२१ ऑगस्ट, २०२६

सोन्यावर सरकारी पहारा: काय होता मोरारजी देसाईंचा 'गोल्ड कंट्रोल ॲक्ट'?
लाइफस्टाइल

सोन्यावर सरकारी पहारा: काय होता मोरारजी देसाईंचा 'गोल्ड कंट्रोल ॲक्ट'?

भारतीयांच्या सोन्यावर बंदी घालणाऱ्या १९६८ च्या गोल्ड कंट्रोल ॲक्टचा अजब इतिहास आणि त्यामुळे सुरू झालेली तस्करी.

१७ ऑगस्ट, २०२६

तेजसचा नवा अवतार; आता 'स्प्राइट'च्या नावावर धावणार पहिली ब्रँडेड रेल्वे
लाइफस्टाइल

तेजसचा नवा अवतार; आता 'स्प्राइट'च्या नावावर धावणार पहिली ब्रँडेड रेल्वे

आयआरसीटीसीने महसूल वाढवण्यासाठी तेजस एक्सप्रेसच्या ब्रँडिंगचा अनोखा करार कोका-कोला कंपनीशी केला आहे.

१४ ऑगस्ट, २०२६