मुख्य सामग्रीवर जा
बोभाटा
बोभाटा

लष्कर दिनाच्या दिवशी या भारतीय महिला अधिकाऱ्याने कोणता नवीन इतिहास रचला?

2 मिनिट वाचन
शेअर करा:
लष्कर दिनाच्या दिवशी या भारतीय महिला अधिकाऱ्याने कोणता नवीन इतिहास रचला?

सैन्याधिकारी तानिया शेरगिल यांनी काल नवीन इतिहास घडवला आहे. १५ जानेवारी भारतीय लष्कर दिनाच्या निमित्ताने झालेल्या संचलनात त्यांनी पुरुष तुकडीचं नेतृत्व केलं. लष्कर दिनाच्या दिवशी एका महिलेने पुरुष तुकडीचं नेतृत्व करण्याची ही इतिहासातली पहिलीच वेळ होती.

कोण आहेत तानिया शेरगिल ?

कोण आहेत तानिया शेरगिल ?

तानिया शेरगिल यांनी इलेक्ट्रोनिक्स अँड कम्युनिकेशनमध्ये पदवी मिळवली आहे. चेन्नईच्या अधिकारी प्रशिक्षण अकादमी मधून त्या सैन्यात दाखल झाल्या. त्यांच्या कुटुंबात सैन्यात जाण्याची मोठी परंपरा आहे. त्यांचे वडील १०१ मिडीयम रेजिमेंटमध्ये (तोफखाना विभाग) होते, तर आई  १४ व्या आर्मर्ड रेजिमेंटमध्ये होत्या. त्यांचे आजोबा हे शीख रेजिमेंटमध्ये होते.

लष्कर दिनाच्या दिवशी या भारतीय महिला अधिकाऱ्याने कोणता नवीन इतिहास रचला? – चित्र 2

(भावना कस्तुरी)

महिला अधिकाऱ्यांवर अशाप्रकारची महत्वाची जबाबदारी देणे हे फारच कमी वेळा घडतं. याची खरी सुरुवात ही २००६ साली वाहिदा प्रिझम शेख यांच्यापासून झाली. वार्षिक संचलनात पुरुष तुकडीचं नेतृत्व करणाऱ्या त्या पहिल्या महिला होता. त्यानंतर २०१९ साली भावना कस्तुरी यांनी असाच नवीन पायंडा घालून दिला होता. त्यांनी प्रजासत्ताक दिनानिमित्ताने झालेल्या संचलनात पुरुष तुकडीचं नेतृत्व केलं होतं.

भारतीय लष्कर आणि महिला

भारतीय लष्कर आणि महिला

(वाहिदा प्रिझम शेख)

भारतीय सैन्यात आता जास्तीत जास्त महिलांना सामावून घेतलं जात आहे. त्यांना पुरुषांप्रमाणेचं ६१ आठवड्यांचं प्रशिक्षण दिलं जातं. येत्या १७ वर्षांच्या काळात प्रत्येक वर्षी १०० महिलांना सैन्यात दाखल करून घेण्यात येणार आहे. २०२१ च्या मार्च पर्यंत १०० महिलांची नियुक्ती केली जाईल. त्यांना लष्करी पोलिस दल आणि भारतीय लष्करात दाखल केलं जाईल. लष्करी पोलीस दलात १७०० महिला पोलीस असतील असा विचार करून हे पाऊल उचलण्यात आलंय.

एक चांगली गोष्ट म्हणजे आजवर महिलांना फक्त अधिकारी म्हणून निवड व्हायची, पण काळात पहिल्यांदाच महिलांचा सैनिकांच्या रॅंकमध्ये समावेश केला जाईल.

लष्कर दिनाच्या दिवशी या भारतीय महिला अधिकाऱ्याने कोणता नवीन इतिहास रचला? – चित्र 4

तर, अशाप्रकारे २०२० चा लष्कर दिन हा महिलांसाठी नवीन उर्जा आणि प्रेरणा देणारा ठरला.

 

आणखी वाचा :

स्त्रियांना या ७ गोष्टी करण्याची परवानगी नव्हती!! काही परवानग्या तर गेल्या १० वर्षांत मिळाल्या आहेत..

पुढची गोष्ट
लाइफस्टाइल५ हजार रुपयांतून गारमेंट साम्राज्य उभारणाऱ्या सरला आहुजाफाळणीच्या विस्थापनानंतर ५ हजार रुपयांच्या बचतीवर जागतिक स्तरावर शाही एक्स्पोर्ट्सची निर्मिती करणाऱ्या महिला उद्योजक सरला आहुजा यांची प्रेरक गोष्ट.वाचा →

बोभाटा WhatsApp चॅनेल फॉलो करा!

ताज्या लेखांची माहिती थेट WhatsApp वर मिळवा.

फॉलो करा

संबंधित लेख

चित्रकाराने कल्पनेतून काढलं चित्र आणि वर्षभरानंतर तीच तरुणी समोर आली!
लाइफस्टाइल

चित्रकाराने कल्पनेतून काढलं चित्र आणि वर्षभरानंतर तीच तरुणी समोर आली!

एखाद्या कलाकाराने आपल्या कल्पनेतील स्त्रीचं चित्र काढावं आणि वर्षभरानंतर तीच स्त्री अचानक त्याच्या प्रदर्शनात येऊन उभी राहावी, हा एखाद्या चित्रपटाचा प्रसंग वाटेल. पण इराणमधील अहद सादी आणि परिसा करमनेझाद यांची प्रेमकहाणी अशीच काहीशी आहे.

३ नोव्हेंबर, २०२६

गंजलेल्या तलवारीच्या वजनाइतके सोने: एका वृद्ध स्त्रीच्या चातुर्याची गोष्ट
लाइफस्टाइल

गंजलेल्या तलवारीच्या वजनाइतके सोने: एका वृद्ध स्त्रीच्या चातुर्याची गोष्ट

बोलण्याने हत्ती मिळवता येतो आणि बोलण्यानेच हत्ती गमावताही येतो. अवधच्या नवाबांच्या काळातली, बोलण्याच्या कलेची ताकद सांगणारी एक सुरेख गोष्ट.

२ नोव्हेंबर, २०२६

एव्हरेस्ट म्हणजे फक्त पुरुषांची मक्तेदारी? जुन्को ताबेई यांनी मोडीत काढलेला तो अहंकार!
लाइफस्टाइल

एव्हरेस्ट म्हणजे फक्त पुरुषांची मक्तेदारी? जुन्को ताबेई यांनी मोडीत काढलेला तो अहंकार!

जगातील सर्वोच्च शिखर एव्हरेस्ट सर करणारी पहिली महिला जुन्को ताबेई यांचा जिद्दीचा आणि संघर्षाचा प्रेरणादायी प्रवास.

१६ मे, २०२६

मदर्स डे: ज्या माऊलीने हा दिवस सुरू केला, तिनेच तो बंद करण्यासाठी आयुष्य पणाला लावलं!
लाइफस्टाइल

मदर्स डे: ज्या माऊलीने हा दिवस सुरू केला, तिनेच तो बंद करण्यासाठी आयुष्य पणाला लावलं!

मदर्स डेची सुरुवात करणाऱ्या ऍना जार्विस यांनी या दिवसाच्या व्यापारीकरणाविरुद्ध दिलेला लढा आणि त्यामागचा अस्वस्थ करणारा इतिहास.

१० मे, २०२६

महाकवी कालिदासाचा गर्वहरण करणारी ती 'म्हातारी'
लाइफस्टाइल

महाकवी कालिदासाचा गर्वहरण करणारी ती 'म्हातारी'

महाकवी कालिदासाचा अहंकार एका साध्या वृद्ध महिलेने चार प्रश्नांत कसा मोडीत काढला? विद्वत्ता आणि अनुभवाची ही एक बोधप्रद कथा.

२२ मार्च, २०२६