मुख्य सामग्रीवर जा
बोभाटा
बोभाटा

हळदणकर, त्यांची कन्या आणि अजरामर पेंटिंग!! यामागची कथा वाचायलाच हवी!!

3 मिनिट वाचन
शेअर करा:
हळदणकर, त्यांची कन्या आणि अजरामर पेंटिंग!! यामागची कथा वाचायलाच हवी!!

वरील जगप्रसिद्ध चित्र अनेक वर्षांपासून राजा रविवर्मा यांच्या नावावर खपवलं जात आहे. खरी गोष्ट अशी आहे की हे चित्र ‘एस एल हळदणकर’ या चित्रकाराने १९३२ साली काढलं होतं. आज या चित्राची आठवण होण्यामागचं कारण म्हणजे चित्रात दिसणारी चित्राची नायिका आज वयाच्या १०२ व्या वर्षी काळाच्या पडद्याआड गेली आहे. या नायिकेचं नाव आहे ‘गीता उपळेकर’. आपल्यातील अनेकांना ही नायिका जिवंत होती का ? असा प्रश्न पडेल. हा प्रश्न साहजिक आहे कारण १०२ वर्षांच्या वयात त्या फारशा प्रकाशात आल्या नाहीत. आज आपण या अज्ञात नायिकेबद्दल आणि तिच्या जगप्रसिद्ध चित्राबद्दल जाणून घेणार आहोत.

या चित्राला ‘ग्लो ऑफ होप’ म्हणतात. चित्राची कथा अशी :

स्रोत

एस एल हळदणकर हे गीता उपळेकर यांचे वडील. साल होतं १९३२. दिवाळीचे दिवस होते. घरात दिवाळीची लगबग सुरु होती. अवघी १६ वर्षांची गीता आईची साडी नेसून घरात पणत्या लावत होती.  मेणबत्ती विझू नये म्हणून तिने मेणबत्तीच्या पुढे हात धरला होता. हे दृश्य हळदणकरांच्या नजरेस पडल्यानंतर त्यांना चित्राची कल्पना सुचली. त्यांनी लगेच गीताला बोलावून समोर उभं केलं. पुढील ३ दिवस, दिवसातून ३ तास ती चित्रातल्या पोज मध्ये उभी राहिली. या ३ दिवसांच्या मेहनतीनंतर साकारलं गेलं जगातलं एक मास्टरपीस. हे चित्र जलरंग’ पद्धतीने साकारलं गेलंय. चित्र काढण्याची ही अत्यंत कठीण पद्धत समजली जाते.

स्रोत

चित्र तयार झाल्यानंतर हळदणकरांनी चित्राला अनेक प्रदर्शनांमध्ये ठेवलं. लोक या अप्रतिम चित्राच्या प्रेमात पडले नसते तरच नवल. अनेक बड्या लोकांनी चित्राला मागणी घातली पण हळदणकरांनी चित्र विकण्यास नकार दिला. याचं एक कारण असंही होतं की चित्रातली नायिका ही त्यांचीच मुलगी होती. अनेकांना नकार दिल्यावर शेवटी मैसूरच्या राजाने चित्र विकत घेतलं. त्याकाळी हळदणकरांनी चित्राला केवळ ३०० रुपयांना विकलं होतं. आज या ‘ग्लो ऑफ होप’ची किंमत कोटीच्या घरात आहे.

स्रोत

आज हे चित्र मैसूरच्या जगन्मोहन पॅलेसच्या ‘जयचमा राजेंद्र आर्ट गॅलरी’ मध्ये राजा रविवर्मा यांच्या चित्रांसमवेत आहे. अनेकजण या चित्राला पाहण्यासाठी जगन्मोहन पॅलेसला भेट देतात. कदाचित राजा रविवर्मा यांच्या चित्रांसमवेत ठेवलेलं असल्याने तज्ञांना सुद्धा हे चित्र राजा रविवर्मा यांचच असल्याचा समज झाला असावा.

चित्र जगप्रसिद्ध झालं पण चित्रातली नायिका मात्र अनेक वर्ष अज्ञातच राहिली. गीता उपळेकर यांनी त्यांच्या १०० व्या वाढदिवशी एक कार्यक्रम आयोजित केला होता. तेव्हा त्यांनी चित्राच्या जन्मकथेबद्दल स्वतः माहिती दिली होती. आज त्या आपल्यात नाहीत पण या चित्राच्या रूपाने त्या अजरामर झाल्या आहेत.

स्रोत

या अज्ञात नायिकेला आणि एस एल हळदणकरांना बोभाटाचा सलाम !!

पुढची गोष्ट
लाइफस्टाइल५ हजार रुपयांतून गारमेंट साम्राज्य उभारणाऱ्या सरला आहुजाफाळणीच्या विस्थापनानंतर ५ हजार रुपयांच्या बचतीवर जागतिक स्तरावर शाही एक्स्पोर्ट्सची निर्मिती करणाऱ्या महिला उद्योजक सरला आहुजा यांची प्रेरक गोष्ट.वाचा →

बोभाटा WhatsApp चॅनेल फॉलो करा!

ताज्या लेखांची माहिती थेट WhatsApp वर मिळवा.

फॉलो करा

संबंधित लेख

चित्रकाराने कल्पनेतून काढलं चित्र आणि वर्षभरानंतर तीच तरुणी समोर आली!
लाइफस्टाइल

चित्रकाराने कल्पनेतून काढलं चित्र आणि वर्षभरानंतर तीच तरुणी समोर आली!

एखाद्या कलाकाराने आपल्या कल्पनेतील स्त्रीचं चित्र काढावं आणि वर्षभरानंतर तीच स्त्री अचानक त्याच्या प्रदर्शनात येऊन उभी राहावी, हा एखाद्या चित्रपटाचा प्रसंग वाटेल. पण इराणमधील अहद सादी आणि परिसा करमनेझाद यांची प्रेमकहाणी अशीच काहीशी आहे.

३ नोव्हेंबर, २०२६

गंजलेल्या तलवारीच्या वजनाइतके सोने: एका वृद्ध स्त्रीच्या चातुर्याची गोष्ट
लाइफस्टाइल

गंजलेल्या तलवारीच्या वजनाइतके सोने: एका वृद्ध स्त्रीच्या चातुर्याची गोष्ट

बोलण्याने हत्ती मिळवता येतो आणि बोलण्यानेच हत्ती गमावताही येतो. अवधच्या नवाबांच्या काळातली, बोलण्याच्या कलेची ताकद सांगणारी एक सुरेख गोष्ट.

२ नोव्हेंबर, २०२६

एव्हरेस्ट म्हणजे फक्त पुरुषांची मक्तेदारी? जुन्को ताबेई यांनी मोडीत काढलेला तो अहंकार!
लाइफस्टाइल

एव्हरेस्ट म्हणजे फक्त पुरुषांची मक्तेदारी? जुन्को ताबेई यांनी मोडीत काढलेला तो अहंकार!

जगातील सर्वोच्च शिखर एव्हरेस्ट सर करणारी पहिली महिला जुन्को ताबेई यांचा जिद्दीचा आणि संघर्षाचा प्रेरणादायी प्रवास.

१६ मे, २०२६

टाटांचा '५०१' साबण: स्वदेशी ब्रँडचा उदय आणि अस्ताची रंजक गोष्ट
लाइफस्टाइल

टाटांचा '५०१' साबण: स्वदेशी ब्रँडचा उदय आणि अस्ताची रंजक गोष्ट

टाटा ऑइल मिल्सचा '५०१' साबण कसा घराघरात पोहोचला आणि नंतर विदेशी कंपनीच्या ताब्यात गेला, या ब्रँड युद्धाचा रंजक इतिहास.

१२ मे, २०२६

मदर्स डे: ज्या माऊलीने हा दिवस सुरू केला, तिनेच तो बंद करण्यासाठी आयुष्य पणाला लावलं!
लाइफस्टाइल

मदर्स डे: ज्या माऊलीने हा दिवस सुरू केला, तिनेच तो बंद करण्यासाठी आयुष्य पणाला लावलं!

मदर्स डेची सुरुवात करणाऱ्या ऍना जार्विस यांनी या दिवसाच्या व्यापारीकरणाविरुद्ध दिलेला लढा आणि त्यामागचा अस्वस्थ करणारा इतिहास.

१० मे, २०२६