चंद्रावर पाऊल ठेवल्यानंतर जेव्हा नील आर्मस्ट्राँग मुंबईत आले होते!

२१ जुलै १९६९ रोजी अमेरिकन अंतराळवीर नील आर्मस्ट्राँग आणि बझ ऑल्ड्रिन यांनी चंद्रावर पहिले पाऊल ठेवले.त्यानंतर तीन महिन्यांनी, 26 ऑक्टोबर 1969 ला ते भारत दौर्‍यात मुंबई भेटीला आले मुंबईत त्यांच्या स्वागतासाठी २०,००० हून अधिक लोकांनी जमून या प्रसिद्ध अंतराळवीरांचे दर्शन घेतले. त्यानंतर त्यांनी महाराष्ट्राचे राज्यपाल पी. व्ही. चेरियन यांनी आयोजित केलेल्या स्वागत समारंभाला जाण्यासाठी ओपन कारमध्ये प्रवास केला.ते वेस्टर्न एक्सप्रेस हायवे, माहिम, प्रभादेवी, हाजीअली, केंप्स कॉर्नर आणि चौपाटी मार्गे जात असताना, रस्त्यांच्या कडेला उभे असलेले पुरुष, महिला आणि मुले आनंदाने जयघोष करत हात हलवत होते, तर अंतराळवीरही उत्साहाने प्रतिसाद देत होते.यानंतर त्यांना आझाद मैदानावरच्या भव्य सार्वजनिक स्वागत समारंभाला सुमारे ५ लाख मुंबईकर उपस्थित होते. दिवसाच्या शेवटी त्यांनी टाटा इन्स्टिट्यूट ऑफ फंडामेंटल रिसर्च (TIFR) येथे भेट दिली आणि भारतातील अग्रगण्य शास्त्रज्ञांशी संवाद साधला.त्यावेळी अणुऊर्जा आयोगाचे अध्यक्ष विक्रम साराभाई यांनी नील आर्मस्ट्राँग यांना हत्तीच्या कोरीव मूर्तीची भेट दिली.